Астанадан жүлдемен оралды
Астанадан жүлдемен оралды
11 Сәуір 2014, 12:07
Жақында Астана қаласы білім басқармасы «Жас саяхатшылар станциясы» мемлекеттік мекемесінің ұйытқы болуымен еліміздің бас қаласында жас бард әншілердің «Струнная капель-2014» аймақтық фестивалі оздырылды.
Аталмыш фестивальға біздің облыстан барлығы 10 жасөспірім қатысса, оның 8-і Т.Жароков атындағы орта мектептің мұғалімі Сүйінғали Шүкіров жетекшілік ететін «Үркер» балалар авторлық студиясының шәкірттері болатын. Фестивальға еліміздің қалаларынан белсене атсалысқан 12-18 жас аралығындағы 50 бард әншілердің арасында жәнібектік өрендер де өрісті өнерлерін көрсетіп, жүлделі орындарға ие болды. Мәселен, «Үркер»
тобының мүшесі Жалғас Жамиев «Орындаушы» аталымына сәйкес лауреат, ал «Ансамбль» аталымы бойынша Гүлдірайхан Әбіжетова, Айдана Бақытжанова дипломант атанды. Сондай-ақ , Жалғас Жамиев
«Абай әндері» аталымына сай өнерімен жүлде алса, Арман Дәулетов, Елжан Қадеров, Әлішер Уәлитханов және Расул Еркінов композитор Виктор Берковскийдің «Паруса Крузенштерна» әнімен «Дәстүрлі жанрға адалдық» аталымына сәйкес әділқазылардың арнайы сыйлығын иемденді.
Н.Жапақов
Источник: http://baq.kz/kk/regional_media/post/52350 |
| Категория: Фестивали и конкурсы | Добавил: kairasul (18.01.2015)
|
| Просмотров: 424 |
| Рейтинг: 0.0/0 |
